Komandanti i KFOR-it, gjeneralmajor Angelo Michele Ristuccia, ka qëndruar për vizitë në Bosnje, ku mbajti takime të nivelit të lartë në selinë e NATO-s në Sarajevë.
Ristuccia gjatë kësaj vizite takoi komandantin e EUFOR-it në Sarajevë, BG McGaha.
Në këtë takim u diskutua edhe situata e sigurisë në Kosovë dhe Bosnje, ku siç thuhet në komunikatë kishte pajtim ndërmjet dy palëve për bashkëpunim ndërmjet NATO-s dhe BE-së për ofrimin e sigurisë në rajon.
“Ata diskutuan për situatën e sigurisë në Bosnje dhe Kosovë, duke rënë dakord për rëndësinë e bashkëpunimit ndërmjet NATO-s dhe BE-së në afrimin e sigurisë dhe stabilitetit në rajon”, thuhet në njoftimin e KFOR-it të publikuar në platformën “X”.
Pas sulmit terrorist që ndodhi më 24 shtator, ka bërë që NATO të marr vendim që të rritë praninë e saj në Ballkanin Perëndimor.
NATO bëri të ditur se Këshilli i Atlantikut të Veriut ka autorizuar forca shtesë nga Mbretëria e Bashkuara, kështu duke rritur pranin e KFOR-it në Kosovë.
Major General Angelo Michele RISTUCCIA, Commander of the #NATO-led #KFOR mission was in Bosnia, where he held high-level meetings at NATO Headquarters and at #EUFOR ALTHEA in Sarajevo. pic.twitter.com/b6DdG7kEwW
— NATO Kosovo Force – KFOR (@NATO_KFOR) October 4, 2023