Policia e Kosovës, është duke vazhduar kontrollet në Banjskë, ku më 24 shtator u krye sulm terrorist nga një grup i armatosur serb, të cilët vranë rreshterin e Policisë së Kosovës, Afrim Bunjaku.
Siç raporton ekpi i i Tëvë1, të hënën në Banjskë situata është e qetë, ndërsa që njësitet speciale të PK-së po qëndrojnë në katër postblloqe.
Policia e Kosovës është duke qëndruar edhe në manastirin e Banjskës, aty ku më 24 shtator grupi terrorist ishte ngujuar në ditën e sulmit dhe ku kishin gjuajtur me armë në drejtim të Policisë së Kosovës.
Tre pjestarë të grupit të armatosur janë vrarë nga Policia e Kosovës dhe dy janë arrestuar.
Ndërsa, që prij i këtij grupi ka qenë nënkryetari i Listës Serbe, Milan Radoiçiq, i kërkuar nga institucionet e Kosovës për disa vepra penale, poashtu ai qëndron në listën e zezë të SHBA-së.
Institucionet e Kosovës një javë pas sulmit kanë publikuar dëshmi, ku shihet se grupi terrorist kishte kryer stërvitje në një poligon të ushtrisë serbe, katër ditë para sulmit në veri të Kosovës.
Pamjet e publikuara sipas ministrit Sveçla janë marrë nga dronët e konfiskuar të grupit terrorist.
