Kryeministri i Kosovës, Albin Kurti, ka thënë se në bazë të dokumenteve të konfiskuara nga Policia e Kosovës, grupi terrorist që kreu sulm në veri kishte synim aneksimin e veriut të Kosovës.
Ai ka thënë se synohej një sulm i koordinuar me 37 pozicione të ndryshme, i cili do të pasonte me hapjen e një korridori në Serbi, për tu mundësuar furnizim me armë dhe trupa.
“Në bazë të dokumentacionit të konfiskuar, Policia e Kosovës ka konfirmuar se sulmi terrorist ishte pjesë e një plani më të madh për të aneksuar veriun e Kosovës, nëpërmjet një sulmi të koordinuar në 37 pozicione të dallueshme. Do të pasonte krijimi i një korridori për në Serbi, për të mundësuar furnizimin me armë dhe me trupa”, ka shkruar Kurti, në platformën X.
Ministri i Punëve të Brendshme , Xhelal Sveçla dhe drejtori i PK-së, Gazmend Hoxha të dielën në një konferencë për media kanë publikuar pamje të cilat janë marrë nga dorën e konfiskuar nga grupi terrorist, ku sipas tyre ata kishin kryer përgatitje në një nga kazermën më ta madhe të ushtrisë serbe 4 ditë para sulmit në veri.
