Një person është arrestuar nga Policia e Kosovës, pasi që i njëjti nuk i ka zbatuar urdhrat e zyrtarëve policorë, por edhe i ka sulmuar ata.
Policia thotë se gjatë arrestimit të dyshuarit, ai ka sulmuar dy zyrtarë policorë, ku njëri ka marrë lëndime të rënda trupore me ç’rast ka pësuar frakturë në njërën dorë, derisa zyrtari tjetër ka marrë lëndime të lehta trupore.
Rasti ka ndodhur mbrëmë në rrugën “Ilaz Kodra” në Prishtinë dhe i njëjti është cilësuar “Sulm ndaj personit zyrtar”.
Lidhur me këtë rast, vendimi i prokurorit ka qenë që i dyshuari të dërgohet në mbajtje.
Njoftimi nga Policia e Kosovës:
Rr. Ilaz Kodra, Prishtinë 30.09.2023 – 20:00. Është arrestuar i dyshuari mashkull kosovar pasi që fillimisht nuk ka zbatuar urdhëratë policor e më pas ka sulmuar zyrtarët policor. Si pasoj gjatë vënies në kontroll dhe arrestimit te të dyshuarit, njëri nga zyrtarët policor ka pësuar lëndime të rënda trupore, frakturë në njërën dorë ndërsa tjetri ka pësuar lëndime të lehta trupore. Me vendim të prokurorit i dyshuari është dërguar në mbajtje./teve1.info/
