Bordi i Radio Televizionit të Kosovës (RTK) ka marrë vendim sot që ta suspendojë nga puna drejtorin e RTK2, Željko Tvrdišić, për “të korrigjuar shkeljet e standardeve profesionale të raportimit”.
Sipas njoftimit, kjo masë është marrë pas një vlerësimi të raportimit që është bërë në RTK, lidhur me sulmin terrorist nga formacione paraushtarake serbe më 24 shtator, pas përcjell teve1.info
“Pas një diskutimi të detajuar dhe një analize të situatës rreth kronikës së transmetuar në lajmet e RTK2 (kanali në gjuhën serbe) me date 28 shtator 2023, pas propozimit nga drejtori i përgjithshëm, Bordi i RTK-së në mënyrë unanime ka vendosur për suspendimin nga detyra për një afat 30 ditor të drejtorit të RTK2, Željko Tvrdišić. Kjo masë është marrë në përputhje me ligjin dhe rregulloret në fuqi. Gjatë kësaj periudhe, menaxhmenti i RTK-së do të kryejë një analizë të hollësishme të situatës dhe të raportimit në përgjithësi, me qëllim që të identifikohen të gjitha shkeljet e mundshme të standardeve profesionale dhe të merren masat e duhura për t’i korrigjuar. Po ashtu, masa të tjera disiplinore do të ndërmerren ndaj të gjithë individëve përfshirë në shkeljet e raportimit profesional dhe që janë të përcaktuara në ligjet dhe rregulloret me të cilat operon RTK”, thuhet në njoftim.
Kryetari i Bordit të RTK-së, Besnik Boletini, ka paralajmëruar dje masa të ashpra ndaj udhëheqësisë së RTK2, pasi në një edicion lajmesh në këtë kanal, që drejtor menaxherial ka një serb, në lajmet qendrore ka lejuar që të përdoret termi nacionalist serb “Kosova dhe Metohia”, term ky që Serbia e përdor në vazhdimësi. /Teve1.info/
RTK2 lejon të përdoret termi “Kosova dhe Metohia”, Boletini paralajmëron masa ndaj drejtorit serb