Gjiganti italian i futbollit Milan mori lejen e parë për ndërtimin e një stadiumi të ri që në pamje të parë duket spektakolar, i cili do të bëjë që “San Siro” legjendar të hyjë në histori.
Milani prezantoi një propozim zhvillimi urban ku do të ndërtohet stadiumi i ri.
Synimi i propozimit të stadiumit është të krijojë vlera të konsiderueshme për të gjithë lokalitetin, gjë që do të përfitonte shumë më tepër nga lokacioni se sa situata aktuale.
Milani njoftoi planin paraprak të stadiumit të ri dhe konfirmoi se një nga studiot arkitekturore më prestigjioze në botë e quajtur Manica do të punojë për zhvillimin e planeve.
“Më shumë se katër vjet më parë, ne morëm masa për t’i dhënë klubit tonë një nga stadiumet më të mira në botë, i cili do të na shohë në një të ardhme fituese dhe të qëndrueshme. Ky përfaqëson një hap paraprak në evoluimin e këtij procesi, por është një tjetër provë e rritjes së vazhdueshme të Milanit, si në fushë ashtu edhe jashtë saj”, ka thënë presidenti i kuqezinjve, Paolo Scaroni.
New #ACMilan stadium: first formal step taken with San Donato Milanese council ➡ https://t.co/6eZ7cAaKWB
(The attached rendering doesn't represent the design of the stadium)
Nuovo stadio: primo passo formale con il Comune di San Donato Milanese ➡ https://t.co/U1dx8Eb3nb
(Il… pic.twitter.com/LWKY6pxcjh
— AC Milan (@acmilan) September 27, 2023
Manica nuk do të projektojë vetëm fushën e futbollit, por të gjithë parkun argëtues dhe objektet e tjera shoqëruese. Kapaciteti i stadiumit të ri të Milanos do të jetë 70,000, që është pothuajse 20,000 më pak se San Siro aktual, por do të jetë pakrahasueshëm më modern.
