Lautaro Martinez do të vazhdojë të mbetet pjesë e Interit edhe për një periudhë të gjatë. Mediumet italiane kanë raportuar të mërkurën se sulmuesi parimisht ka pranuar ofertën e Interit për rinovimin e kontratës. Thuhet se palët ka kohë që janë në negociata dhe marrëveshja pritet të finalizohet muajin e ardhshëm.
Me rinovimin e kontratës, Lautaro do të jetë pjesë e Interit deri në verën e vitit 2028 dhe do të ketë pagë vjetore prej 6 milionë eurosh plus bonuset.
Kontrata aktuale, i skadon argjentinasit në vitin 2026, ndërsa 26-vjeçari është pjesë e Interit prej vitit 2018.
Lautaro është kapiten i Interit këtë edicion dhe ka shënuar 6 gola në po aq paraqitje në të gjitha garat.
