Një mjet i pashpërthyer- granatë dore është gjetur në rrugën “Shtejka” në veri të Mitrovicës. Rasti është raportuar nga një e mitur kosovare, ka bërë të ditur policia.
Sipas njoftimit mjeti i pashpërthyer është larguar nga njësitet përkatëse.
“Rr. Shtjeka, Mitrovicë 26.09.2023-14:25. Ankuesja femër kosovare – e mitur ka raportuar se ka hasur në një mjet të dyshuar të pashpërthyer-granatë dore. Njësitet policore kanë siguruar vendin e ngjarjes, ndërsa njësitet e deminimit kanë tërhequr mjetin e dyshuar-granatë dore M 57, në mënyrë të sigurt. Lidhur me rastin është informuar edhe prokurori”, thuhet në raportin e PK-së./teve1.info/
