Drejtorit i Përgjithshëm i Policisë së Kosovës, Gazmend Hoxha, ka dhënë detaje për sulmin e së dielës nga grupi i armatosur serb nga sulmi i të cilëve një rreshter i Policisë së Kosovës është vrarë dhe një tjetër është plagosur në fshatin Banjskë të Zveçanit.
Ai ka thënë se pas sulmit Policia e Kosovës në konkat me EULEX-in dhe KFOR-in kanë marrë veprimet e nevojshëm.
Drejtori i PK-së, tha se grupi i armatosur i cili ishte ngujuar në Manastirin e Banjskës, nuk kanë lejuar që të largohen civilët nga manastiri, që ka ngjallur dyshime se ata mund të përdoren si pengje.
Ai në konferencën për media, ku u prezantua sasia e armatimit dhe pajisjeve të konfiskuara, tha se anëtarët tjerë të grupit të armatosur kanë arritur të largohen duke lënë pas 24 vetura një prej tyre ka qenë e blinduar.
“Në një nga automjetet është gjetur dokument i aplikimit të lejes së armës së presonit Milan Radojiçiç, njëherit nënkryetari i Listës Serbe, dokument i lëshuar nga Serbia duke ngritur dyshimin se në mesin e personave të uniformuar ka qenë edhe Radojiçiç”, ka thënë Hoxha.
Ai tha se ky operacion ka qenë më i madhi dhe më i suksesshmi që nga pas lufta.
Drejtori tha se pesë nga anëtarët e grupit terroristë janë anëtarë të organizatës terroriste “Mbrojtja Civile .
Ai ka treguar disa nga gjërat e konfiskuara ku ka pasur edhe armatim të kalibrit të rëndë.