Është gjetur edhe një sulmues i vdekur në Banjskë, pas sulmeve të së dielës kundër Policisë së Kosovës.
Lajmin për teve1.info e ka konfirmuar prokurori Naim Abazi.
Ai tha se trupi është gjetur 1.5 km nga vendi ku ka pasur të shtëna.
Numri i sulmuesve të vdekur ka shkuar në katër.
Nga sulmet ndaj Policisë së Kosovës, ka mbetur i vdekur polici Afrim Bunjaku dhe janë plagosur tre policë.
Policia ka arritur të arrestojë edhe dy sulmues nga grupi i armatosur dhe ka ndaluar 4 persona të dyshuar në përfshirje të rastit.
Po ashtu janë sekuestruar edhe sasi të armëve dhe municionit e pajisje tjera ushtarake të cilat ishin në Manastirin në Banjskë në të cilin ishin ngujuar personat e armatosur. /teve.info/
