Policia e Kosovës ka bërë të ditur se në nderim të policit të vrarë, Afrim Bunjaku do të mbahet sot mbledhje komemorative duke filluar nga ora 12:30 në Amfiteatrin e Bibliotekës Qendrore Universitare të Universitetit të Prishtinës.
Në këtë mbledhje do të marrin pjesë familja e rreshter Afrim Bunjakut, personalitetet më të larta vendore dhe ndërkombëtare si dhe eprorë e zyrtarë policorë.
“Nën patronatin e Ministrit të Ministrisë së Punëve të Brendshme dhe Drejtorit të Përgjithshëm të Policisë së Republikës së Kosovës, me rastin e rënies heroike në kryerje të detyrës në veri të Republikës së Kosovës, të rreshter Afrim Bunjaku, organizohet mbledhje komemorative, ku do të marrin pjesë familja e rreshter Afrim Bunjakut, personalitetet më të larta vendore dhe ndërkombëtare si dhe eprorë e zyrtarë policorë”, thuhet në njoftim.