Tre pjesëtarë të grupit që sulmoi dhe vrau një policë të Kosovës në orët e mëngjesit në Banjskë të Zveçanit, janë vrarë deri më tani nga Policia e Kosovës.
Grupi i armatosur i cili dyshohet se përbehet nga 30 veta është pozicionuar nga Manastrin e këtij fshati, të cilit kanë sulmuar Policinë e Kosovës.
Ndërsa, gjatë këtyre përleshjeve Policia përveç vrasje se tre prej tyre ka arrestuar edhe një sulmues.
Poashtu janë arrestuar katër persona të tjerë të dyshuar të cilëve Policia u ka gjetur radiolidhje dhe armë.
“Sipas informatave zyrtare nga terreni gjatë shkëmbimit të zjarrit konfirmohet vrasja edhe e dy sulmuesve të tjerë, të cilët kanë qenë të maskuar, të uniformuar dhe të armatosur rëndë, e po ashtu konfirmohet edhe arrestimi i një sulmuesi të uniformuar dhe të armatosur. Si pasojë e sulmeve një zyrtar policor i PK-së ka pësuar lëndime kryesisht të lehta”, thuhet në komunikatë, përcjell teve1.info
“Informacionet zyrtare të deritanishme konfirmojnë vrasjen e tre sulmuesve, arrestimin e një sulmuesi, arrestimin e katër personave të dyshuar të cilët janë hasur nën posedim të radiolidhjeve, si dhe identifikimin e një sasie të konsiderueshme të armeve, municionit dhe pajisjeve të ndryshme”, thuhet tutje në komunikatë.
Nga përleshjet është raportu se një pjestarë i PK-së është lënduar lehtë.
Kryeministri Kurti në një konferencë për media ka thënë se gurpi ishte i armatosur rëndë.
Kurse Policia ka bërë të ditur se ka rrethuar këtë grup dhe se ka vendosur masat e sigurisë./teve1.info/