Policia e Kosovës ka konfirmuar vrasje edhe dy të pjesëtarëve të grupit të armatosur në veri, si dhe arrestimin e një tjetri të uniformaur dhe të armatosur.
“Sipas informatave zyrtare nga terreni gjatë shkëmbimit të zjarrit konfirmohet vrasja edhe e dy sulmuesve të tjerë, të cilët kanë qenë të maskuar, të uniformuar dhe të armatosur rëndë, e po ashtu konfirmohet edhe arrestimi i një sulmuesi të uniformuar dhe të armatosur. Si pasojë e sulmeve një zyrtar policor i PK-së ka pësuar lëndime kryesisht të lehta”, thuhet në komunikatë, përcjell teve1.info.
Më herët policia ka konfirmuar për vrasjen edhe të një personi tjetër të armatosur.
Më herët policia ka konfirmuar për vrasjen edhe të një personi tjetër të armatosur, si dhe arrestimin e katër personave të dyshuar të cilëve u është gjetur radiolidhje dhe armë.
“Informacionet zyrtare të deritanishme konfirmojnë vrasjen e tre sulmuesve, arrestimin e një sulmuesi, arrestimin e katër personave të dyshuar të cilët janë hasur nën posedim të radiolidhjeve, si dhe identifikimin e një sasie të konsiderueshme të armeve, municionit dhe pajisjeve të ndryshme”, thuhet tutje në komunikatë.
