Polici i plagosur në veri në orët e mëngjesit i është nënshtruar një intervenimi kirurgjik dhe gjendja e tij shëndetësore është stabile.
Këtë për teve1.info e ka konfirmuar Nazmi Kolgeci, Drejtor i Klinikës së Kirurgjisë Torakale në QKUK.
Ai tha se policit i është larguar predha metalike.
“Sot në orët e hershme të mëngjesit e kemi pranu një pacient, i cili është pjesëtar i Policisë së Kosovës, i njëjti ka pasur lëndim me armë të zjarrit. Lëndimi është në regjionin e krahut të majtë, intervenimi është bë në Kirurgjinë Torakale. Është bërë heqja e predhës, gjendja e pacientit është stabile, e ka një lëndim edhe në këmbën e djathtë nga arma e zjarrit”, tha Kolgeci
