Ministrja e Punëve të Jashtme të Kosovës, Donika Gërvalla, ka thënë se Kosova dhe Greqia ndajnë shumë vlera dhe qëllime të përbashkëta.
Ajo këto i ka thënë pas një takimi që ka zhvilluar me homologun grek Giorgos Gerapetritis, me të cilin tha se diskutuan për raportet miqësore mes dy vendeve.
“Greqia është një aktor kryesor në rajonin tonë me të cilin ne ndajmë një gamë të gjerë vlerash dhe qëllimesh. Në një takim të përzemërt me kolegun tim Giorgos Gerapetritis, diskutuam marrëdhëniet tona miqësore në biznes, kulturë dhe politikë. Jam mirënjohës për partneritetin tonë”, ka shkruar Gërvalla në Twitter.
Ajo gjatë qëndrimit në SHBA ka zhvilluar disa takime me homologë nga vende të ndryshme.