Shefi i EULEX-it, Giovanni Barbano, ka thënë se dënon çdo lloje dhunë dhe se pajtohet plotësisht me qëndrimin e ambasadorit të SHBA-së, Jeff Hovenier, për shpërthimin në veri të vendit.
Ai tha se incidente të tilla tregojnë se sa e paqëndrueshme është situata dhe nënvizojnë nevojën urgjente për të de-përshkallëzuar.
“Plotësisht dakord me@USAmbKosovo . Incidente të tilla tregojnë se sa e paqëndrueshme është situata dhe nënvizojnë nevojën urgjente për të de-përshkallëzuar. EULEX-i dënon çdo formë dhune si të papranueshme”, ka shkruar ai.
Ndryshe, Hovenier ka reaguar pasi në veri të vendit ka ndodhur një shpërthim me bombë
Lidhur me këtë, Hovenier ka thënë se është thellë i tronditur dhe ka dënuar veprimet e tilla. Ai iu ka bërë thirrje institucioneve të Kosovës që të kryejnë hetim të plotë për t’i nxjerrë autorët para drejtësisë.
“I tronditur thellë kur lexova raportet e mjeteve shpërthyese të përdorura në shumë pjesë të Kosovës. Ne i dënojmë këto akte dhune dhe u bëjmë thirrje autoriteteve të kryejnë një hetim të plotë dhe të nxjerrin autorët para drejtësisë”, ka shkruar Hovenier në “X”.
Shpërthimi ka ndodhur në mesnatë, nga i cili nuk ka pasur asnjë person të lënduar.
Fully agree with @USAmbKosovo. Such incidents show how volatile is the situation and underline the urgent need to de-escalate. EULEX’s condemn any form of violence as unacceptable. https://t.co/hth8zcgVav
— Giovanni Pietro Barbano (@EulexHoM) September 22, 2023
