12 muaj e 12 ditë u zgjati periudha paragjyqësore. E 31 ditë u zgjati gjykimi, dy ish-krerëve të OVL-së, Hysni Gucati dhe Nasim Haradinaj.
Në këto faza të dy u deklaruan të pafajshëm.
Ata akuzohen se në tri konferenca shtypi në shtator të 2020-ës, zbuluan pa autorizim informacione konfidenciale për dëshmitarët e mundshëm, dhanë komente nënçmuese ndaj dëshmitarëve dhe në mënyrë të përsëritur shprehen synimin për ta dëmtuar punën e Dhomave të Specialiuzara.
E tani janë në pritje të verdiktit të Gjykatës Speciale, e cila ende nuk ka të caktuar një datë se kur do të shpallet aktgjykimi.
“Në përgjithësi, Rregullorja e Procedurës dhe Provave parasheh që pas mbylljes së lëndës, aktgjykimi të shpallet brenda 90 ditëve. Një zgjatje e kësaj periudhe kohore me 60 ditë është e mundur kur rrethanat e çështjes kërkojnë kohë shtesë”, tha Angela Griep – Zëdhënëse e Dhomave të Specializuara të Hagës .
Por sipas avokatit, Skender Musa, këtë afat Gjykata nuk do e presë marrë parasysh llojin e veprave për të cilat akuzohen Gucati e Haradinaj.
Gucati dhe Haradinaj janë personat e parë që kishin dy paraqitje fillestare para gjykatësit të procedurës paraprake.
Fillimisht si të dyshuar, e më pas si të akuzuar.
Raporti i gazetares Florijeta Dernjani.
