Ministri i Mbrojtjes, Niko Peleshi, njofton se Gjeneral Brigade, Ferdinant Dimo, nga sot ka marrë zyrtarisht komandimin e Forcës Ajrore.
Përmes një postimi në Facebook, Peleshi ka shkruar se në krye me Ferdinant Dimo, Forca Ajrore do të vijojë më tej mordenizimin, përcjell teve1.info.
“Gjeneral Brigade Ferdinant Dimo merr nga sot, zyrtarisht komandimin e Forcës Ajrore, në një moment jo të lehtë, për objektivat tejet të larta që Forca Ajrore si pjesë e Forcave të Armatosura ka për të realizuar. Me besimin e dhënë dhe aftësitë e tij menaxhuese të treguara deri më tani, kjo Forcë do të vijojë më tej modernizimin, duke forcuar çdo ditë besimin që ka krijuar tek qytetarët, veçanërisht pas kësaj vere, e cila ka qenë më e sukseshmja në menaxhimin e zjarreve! Projekte tejet sfiduese kemi përpara!”, thuhet në postimin e Peleshit në Facebook./teve1.info/.
