Një aksident me pasojë vdekjen e një personi është shënuar mëngjesin e së mërkurës në Kurbin.
Policia tha se ngjarja ndodhi më aksin rrugor Mbikalimi i Patokut-Laç, ku shtetasja M. M. 32 vjeçe, ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.
Drejtuesja e automjetit është transportuar për në Spitalin e Traumës Tiranë për ndihmë të specializuar mjekësore, por rrugës ka humbur jetën.
