Ambasadori i Gjermanisë në Kosovë, Jorn Rohde, ka thënë se deklarata e Bashkimit Evropian për dialogun është mesazh i qartë për Kosovën dhe Serbinë.
Sipas tij, Kosova dhe Serbia duhet të angazhohen në mënyrë konstruktive dhe me mirëbesim pa vonesa të mëtejshme.
“Një thirrje e qartë kristal e Bashkimit Evropian drejtuar Kosovës dhe Serbisë që të angazhohen në mënyrë konstruktive dhe me mirëbesim pa vonesa të mëtejshme”, ka shkruar ai në Twitter.
Bashkimi Evropian në një deklaratë të lëshuar të martën u ka bërë thirrje Kosovës dhe Serbisë të angazhohen në dialog, duke kujtuar se e ardhmja evropiane për dy vendet varet nga ky proces. /teve1.info/
