Njësitë policore kufitare kanë ndaluar një veturë me targa të Serbisë, në Uglare, e cila dyshohet se ka kaluar ilegalisht kufirin e Kosovës.
Policia e Kosovës bënë të ditur se në veturë ka qenë edhe një pasagjer, shtetas i Serbisë.
Policia dyshon se vetura është futur në territorin e Kosovës duke iu shmangur pikë-kalimeve të rregullta kufitare.
Me këtë rast është njoftuar edhe prokurori i shtetit, i cili ka rekomanduar që ndaj të dyshuarve rasti të iniciohet “Kalim i paautorizuar i kufirit”, dhe rasti të shkoj në procedurë të rregullt.
Njoftimi i Policisë së Kosovës:
Uglare 17.09.2023 – 16:10. Njësitë policore kanë ndaluar një veturë me targa të Serbisë me drejtues të dyshuarin mashkull kosovar, veturë në të cilën ka qenë edhe një pasagjer i dyshuar mashkull shtetas i Serbisë. Dyshohet se vetura është futur në territorin e Republikës së Kosovës duke iu shmangur pikë kalimeve të rregullta kufitare. Lidhur me rastin është konsultuar prokurori i shtetit i cili ka rekomanduar që ndaj të dyshuarve të iniciohet rasti i lartcekur dhe të procedohet në procedurë të rregullt./teve1.info/
