Pas një jave maratonike, dy skuadrat e fundit që kanë mbetur në garë për ta fituar trofeun e çmuar te Superkupës në basketboll, janë Trepça dhe Peja që do të përballen në finalen e madhe në Suharekë.
Në finalen e Superkupës, kemi një përsëritje të finalës së ‘Play-Off’-it pasi këto dy skuadra luftuan edhe për titullin e kampionit deri në fund.
Mitrovicasit eliminuan Bashkimin dhe Sigal Prishtinën, kurse pejanët mundën Proton Cable Prizrenin dhe Golden Eagle Yllin.
‘Xehetarët’ janë fitues të Kupës, kurse verdhezinjtë janë kampionë të Kosovës në fuqi. Finalja e madhe zhvillohet në Suharekë ku pritet një spektakël i vërtetë basketbolli me fillim nga ora 17:00.
