Ka përfunduar aksioni i Doganës së Kosovës, i cili është realizuar në shtatë lokacione në mobil-shope në Prishtinë, ku janë gjetur dhe konfiskuar 84 telefona.
Burime të “Betimi për Drejtësi”, bëjnë me dije se vlera e shmangieve nga taksat doganore është 12 mijë e 500 euro.
“Betimi për Drejtësi” gjatë ditës ka raportuar për zhvillimin e këtij aksioni, i cili është realizuar lidhur me prezencën e telefonave të kontrabanduar në treg.
“Betimi për Drejtësi” ju sjell fotografi nga malli që u konfiskua nga aksioni i sotëm i Doganës. /BetimipërDrejtësi
