Trajneri i Xhudos Driton Kukas ë bashku me medalisten e artë Majlinda Kelmendi kanë vizituar qytetin e Gjilanit dhe atje janë takuar me kryetarin e kësaj komune Alban Hysenin.
Përmes një postimi në rrjetin social “Facebook” Kuka ka njoftuar se i pari i kësja komune ka premtuar se do ta ndajë një parcelë për ndërtimin e një salle për këtë sport, ndërkohë që, sipas tij, ndërtimi i saj do të behët nga Ministria e Sportit në kuadër të projektit “Judo Nation”.
Ky është postimi i plotë i Dritonë Kukës:
Vizita në Gjilan …
Gjilani një qytet me traditë në xhudo tash e shumë vite ka ngecje në zhvillim.
Një ndër problemet kyçe patjetër si çdo qytet mungesa e Dojos, sallës së xhudos më konkretisht!
Sot Kryetari i Komunës Alban Hyseni na premtoj që do ndajnë parcelën kurse Ministria në projektin Kosova – Judo Nation ka në program ndërtimin e Dojove në 7 Komunat e mëdha fillimisht.
Xhudo meriton përkrahje pak ma ndryshe, tri medaljet e Arta Olimpike kanë ardhur në Kosovë fal sportit më të suksesshëm Shqiptar të të gjitha kohërave
