Ministria e Administrimit të Pushtetit Lokal ka përfunduar hartimin e Udhëzimit Administrativ për iniciativën e qytetarëve për largimin e Kryetarit të Komunës nga funksioni.
Ai përmes një postimi në Facebook ka bërë të ditur se janë trajtuar të gjitha komentet dhe pjesët përmbajtjesore janë adresuar.
“Udhëzimi ka për qëllim përcaktimin e procedurës së inicimit, organizimit dhe dorëzimit të iniciativës së qytetarëve për largimin e kryetarit të komunës nga funksioni, në pajtim me Ligjin Nr.03/L-040 për Vetëqeverisjen Lokale. Pjesë e diskutimeve, punës dhe konsultimeve profesionale e edhe e grupit punues kanë qenë institucionet vendore dhe ato ndërkombëtare. Për këtë çështje marrë parasysh që është hera e parë që trajtohet me rregullim normativ ka pasur shumë komente dhe sugjerime. Të gjitha janë trajtuar dhe pjesa më përmbajtjesore janë adresuar”, ka shkruar Krasniqi, përcjell teve1.info.
A ia ka thënë se ky udhëzim jep mundësinë e zbatimit praktik të një të drejtë të garantuar nga ligji për vetëqeverisje lokale. E drejtë kjo që siguron ushtrimin e vullnetit qytetar në raport me Kryetarin e Komunës, të cilin e zgjedhin drejtpërdrejtë vetë qytetarët.
Qeveria e Kosovës këtë e hap e ka marrë pas kërkesës së vazhdueshme të ndërkombtarëve për zgjedhje të reja në katër komunat në veri, pasi në ato të prillit të këtij viti serbët bojkotuan procesin zgjedhor.
Zgjedhja e kryetarëve shqiptarë në këto komuna, sidomos përpjekja e tyre për të ushtruar detyrën nga zyrtar komunale, pasoj trazira në këto komuna gjatë muajit maj.
Dhjetëra ushtarë të KFOR-it, policë të Kosovës e ekipe të medieve ishin lënduar e sulmuar nga grupe serbe gjatë këtyre trazirave.
BE dhe SHBA kanë bërë thirrje që të ketë zgjedhje të reja në këto komuna. Edhe Qeveria e Kosovës në marrëveshje e Bratislavës kishte shprehur zotimin për zgjedhje të reja në këto komuna, por për kryeministrin Albin Kurti, aspekti ligjor se si do të shkohet në zgjedhje, siç është shprehur ai “ është i rëndësishëm”.
Kosova po përballet me disa masa nga Bashkimi Evropian, pasi siç është thënë nga BE nuk kishte dëgjuar këshillat për marrjen e masave për shtensionim të situatës.
Qeveria e Kosovës në zbatim të marrëveshjes së Bratislavës ka reduktuar numrin e pjesëtarëve të Njësisë Speciale të Policisë afër objekteve komunale, që ka qenë njëra nga kërkesat e BE-së dhe ShBA-së, dhe tash zyrtarët qeveritarë kanë bërë thirrje që Kosovës të hiqen masat e vendosura të cilat i kanë vlerësuar si të padrejta.