Takimit e 14 shtatorit ndërmjet kryeministrit të Kosovës, Albin Kurti dhe presidentit të Serbisë, Aleksander Vuçiq, po e mirëpret ish-kryenegociatori, Skënder Hyseni.
Ai ka thënë se më mirë është të bisedohet një muaj se sa të ketë një ditë incidente në veri të Kosovës.
Hyseni në emisionin “ReSpublika” në Tëvë 1, shprehet optimist se Kurti e Vuçiqi, të cilët sipas tij s’po duan të zbatojnë marrëveshjet, e kanë kuptuar se bashkësia ndërkombëtare ka humbur durimin me ta.
Ai tha se kjo gjë do të sillte penalizime për Kosovës dhe Serbinë, dhe siç thotë Hyseni, Kosova nuk guxon të ju thotë jo rekomandimeve dhe thirrjeve dashamirësve
“Kam një farë gjysmë optimizmi se edhe Vuçiq që po i bënë çdo obstruksion zbatimit të marrëveshjes, por edhe Kurti i cili me çdo gjë po i e minon zbatimin e marrëveshjes, do të kenë mësuar do të kenë nxjerrë disa leksione gjatë muajve të fundit. Do ta kenë pa humbjen e tërësishme të durimit të bashkësinë ndërkombëtare e cila mund të penalizojë dhe njërën edhe tjetrën”, ka thënë Hyseni.
Shefi i BE-së për politikë të Jashtë dhe Siguri, Josep Borrell, ka konfirmuar që takimi do të mbahet më 14 shtator. Takimi është konfirmuar edhe nga Qeveria e Kosovës, por që nuk është zbardhur ende agjenda.
