Viti i ri akademik 2023/ 2024 pritet të fillojë së shpejti.
E derisa universiteti i Prishtinës “Hasan Prishtina” s’do ta lejojë më stafin akademik të këtij insitucioni që të angazhohet edhe nëpër kolegje private, kjo nga njohës të arsimit po cilësohet se do të ndikojë pozitivisht në cilësin e arsimit.
Mirëpo sipas tyre në programet e akreditimit pritet të hasin në vështirësi, dhe ata që do të pësojnë nga kjo pritet të jenë studentët.
“Nëse është akreditu program ko me funksionu deri në kohëzgjatje të akreditimit, por me siguri që do të kenë shumë telashe sepse profesorët duhet tash me u përcaktu në publik osë në privat. Nëse është si kanë kërku edhe në universitet që kanë pasoja pë rata që kanë më shumë angazhime se sa që i lejojnë me statut dhe me rregulloren e re me siguri do të ketë probleme, por problemi i madh tashmë është që pritet të pësojnë edhe studentët që veq e kanë regjistru një program nuk kanë mundësi të ndjekin ligjëratat cilësore nga profesorët adekuat”, thotë njohësi i Arsimit, Ismet Potera.
E pas këtij vendimi sipas njohësit të arsimit Ismet Potera, tashmë do të ketë interesim më të madhë për të siguruar staf adekuat e më të përkushtuar në programe.
“Ko me ndiku edhe në ngritjen e cilësisë edhe në atë private dhe atë publike, sepse nëse një mësimdhënës ka më pak angazhime me siguri që nuk do të mungojë edhe përgaditja dhe angazhimi i mirëfillt me studenta, kështu që sa i përket ngritjes së cilësisë ka me ndiku pozitivisht sepse edhe privati tash mendon se ku ta sigurojë një kuadër të tillë i cili për programin që është akredituar do të i dalë zot apo jo apo vetëm ta kemi si emer enin i cili mban landën, osë nuk e mban asnjëherë ndoshta po e mbajnë asistentë”, shtoi ai.
E nga Instiuti Ed Guard vlerësojnë se ky vendim do të kontribojë në të mirë tek UP-ja në sidomos në procesin e akreditimit.
“Do të kontribojë për të mirë UP-së sidomos në procesin e akreditimit, për shkak se ne si monitorues të agjencisë së akreditimit kemi evidentuar se një professor ka qenë i angazhuar në dy ose tre institucione të cilin ka qenë ndoshta si ligjerues dhe nuk e ka deklaruar fare në Universitetin e Prishtinës dhe ndoshta për atë person nuk është akredituar një program i caktuar dhe nuk është pranuar si bartës i atij programi, dhe konsideroj se ky vendim do të mund të i jep programe më të mira UP-së dhe të jetë në konkunshmëri me kolegjet dhe institucionet e tjera”, theksoi Arbisa Shefiku, nga Instituti Ed Guard.
Këshilli Drejtues i Universitetit të Prishtinës u ka dhënë afat profesorëve deri më 20 shtator të këtij viti të ndajnë mendjen nëse duan të angazhohen në universitetin publik apo në kolegje private.
