Kryetari i Lidhjes Demokratike të Kosovës, Lumir Abdixhiku, ka vizituar Pishinën e Gërmisë në Prishtinë, për t’i parë nga afër ndryshimet që janë bërë.
Përmes një postimi në Facebook, Abdixhiku ka shkruar Kosova ka nevojë për projekte konkrete, ekipe punëtore e njerëz profesionistë.
“Në prag të mbylljes së sezonit veror, së bashku me dy aksionarët tanë asambleistë Pëllumbin dhe Emën, vizituam Bardhin, udhëheqësin e jashtëzakonshëm të ndërmarrjes komunale Sport Marketing I falënderova të gjithë për angazhimin e shkëlqyeshëm si ekip. Pamë nga afër të gjitha ndryshimet e bëra në Pishinën e Gërmisë, e cila këtë verë kishte plot 18,600 vizitorë. Kuptuam dhe për planet e mëdha në vijim. Puna dhe jo fjalët na duhen sot. Kosova sot ka nevojë për projekte konkrete, ekipe punëtore, njerëz profesionistë e ide që fjalët e ofendimet si kanë mjet të vetëm ekzistence. Kosova mundet më mirë dhe do të bëhet më mirë!”, ka shkruar Abdixhiku në Facebook.
