Me 67 vota pro, asnjë kundër e asnjë abstenim, legjislativi ka miratuar këtë pikë të propozuar nga Partia Demokratike e Kosovës, teksa Komisioni do të ketë mandat gjashtëmujor.
Shefi i Grupit Parlamentar të PDK-së, Abelard Tahiri, u shpreh se ngritja e këtij Komisioni është shumë e rëndësishme, pasi që “do të ketë punë të mëdha për të bërë”.
“Ky Komision do të hedhë dritë ndaj të gjitha zhvillimeve energjetike”, deklaroi ai.
Kurse, deputeti i PDK-së, Ferat Shala është propozuar nga ky subjekt politik për nënkryetar të Komisionit dhe deputetja Eliza Hoxha si anëtare./teve1.info/
