Presidenti i Serbisë, Aleksandër Vuçiq, gjatë një vizite në rrugën e rikonstruktuar nga Rashka në Novi Pazar ka folur edhe për raportet me Kosovën.
Vuçiq tha se është e vështirë të gjendet një zgjidhje në dialogun mes Kosovës dhe Serbisë, kur bisedon me njerëz që sipas tij nuk duan të kërkojnë zgjidhje, por kërkojnë arsye për konflikte dhe sulme ndaj serbëve.
“Mund të ishim ulur për 10 orë por do të ishte e vështirë të gjeje një zgjidhje kur flet me njerëz që nuk duan të kërkojnë zgjidhje, kur flet me njerëz nga Prishtina që kërkojnë arsye për konflikte dhe sulm ndaj popullatës serbe në veri të Kosovës. Kemi edhe disa indikatorë të tjerë, nuk po i them rastësisht”, tha ai, shkruan tanjug.
Ai shtoi se ekziston një “narrativë” e njëjtë në shumë pjesë të ish-Jugosllavisë, transmeton teve1.info.
