Kosova ka publikuar listën për dy ndeshjet e muajit shtator. “Dardanët” fillimisht më datën 9, presin në “Fadil Vokrri” kombëtaren e Zvicrës, e cila në listën e saj ka 4 shqiptarë, ndërsa tre ditë më pas udhëtojnë për t’u përballur me Rumaninë, takime këto të vlefshme për Euro2024.
Trajneri Primozh Gliha ka futur në listë disa futbollistë që për herë të parë janë pjesë e përfaqësueses së Kosovës, teksa aty shihet edhe emri i mesfushorit të Ballkanit Meriton Korenica. Në grupin përfaqësues kthehet edhe sulmuesi anësor, Arbër Zeneli i cili nuk ishte në grumbullimin e fundit.
Kosova bën pjesë në grupin I për këto kualifikuese, ndërsa pas 4 ndeshjeve ka marr tre pikë dhe është në pozitën e 5. Lider i këtij grupi është Zvicra që në poaq ndeshje ka 12 pikë, ndjekur nga Rumania me 8 dhe Isreali me 7. Bjellorusia është në vendin 4 me tri, ndërsa Andorra renditet e fundit me vetëm një pikë, atë të fituar në “Fadil Vokrri”.
