Kryetari i Kuvendit të Kosovës, Glauk Konjofuca, ka thënë se deklarata e Faton Klinakut, ushtrues detyre i kreut të OVL-UÇK-së, ka qenë kërcënim i hapur dhe si e tillë është e papranueshme.
Ai të mërkurën i pyetur nga gazetarët për këtë deklaratë tha se deklarimi i Klinakut s’kishte të bënte me liri të shprehjes.
Mendoj që ishte një shprehje shumë e papranueshme, aq më tepër që vije nga një personalitet që përfaqëson një shoqatë qa të respektuar, vërtet është e papranueshme.
“Albin Kurti është kryeministror i vendit i zgjedhur nga populli dhe me legjitimitet. Dhe të dalësh me deklarata të tilla vërtetë është e papranueshme… dhe kjo nuk kishte të bënte fare me liri të shprehjes, ishte kërcënim i hapur”, tha Konjufca.
Faton Klinaku mbrëmë në Facebook, duke treguar me një bisedë që sipas tij ishte me një person që e kishte votuar VV-në por tash ndihet i zhgënjyer dhe po mendon të largohej nga Kosova, ka shkruar se më parë e vras Albin Kurtin sesa që ia lëshoj rrugën e iku nga Kosova”./teve1.info/
