Mbrëmë tri skuadra arritën kualifikimin në grupet e Ligës së Kampionëve përmes Play offit. Galatasaray, fitoi 2-1 para tifozëve të vet kundër Moldes. Icardi hapi takimin duke shënuar nga penalltia, mirëpo u barazua nga Hestad, megjithatë Angelino i dha fitoren skuadrës vendëse në minutat e fundit. Galatasaray siguroi plasmanin pas një rezultati të përgjithshëm 5-3, pasi kishte fituar 2-3 si mysafir në Norvegji.
Grupet e Championsit i ka siguruar edhe Braga që ka arritur fitore si mysafir ndaj Panathinaikos me shifrat 0-1, me golin e vetëm të shënuar nga Bruma. Skuadra portugeze një javë më parë kishte triumfuar 2-1 në shtëpi, ndërsa një të tillë e arriti edhe në Greqi.
Ekipi tjetër që do të paraqitet në kompeticionin më të fortë në botë për klube është Young Boys, që ka triumfuar përballë Maccabi Haifas 3-0 në terrenin e vet. Skuadra zvicerane morri një barazim pa gola në ndeshjen e parë si mysafir, ndërsa kreu punë mbrëmjen e së enjtes, duke shënuar fitore. Reprezentuesi i Kosovës, Donat Rrudhani nuk ishte i ftuar për këtë ndeshje, ndonëse u paraqit në të parën.
Megjithatë, edhe 6 të tjera synojnë të bëjnë të njejtën gjë, por fatin do ta kenë vetëm tri. Arbnor muja me skuadrën e Antëerp, kanë udhëtuar në Athinë për t’u përballur me ekipin e Aek. Gjiganti belg e ka fituar ndeshjen e parë në shtëpi, teksa sonte e pret ende shumë punë për të marr kualifikimin.
Edhe Kopenhaga ka marrë fitore në ndeshjen e parë me rezultat të njejt, por si mysafir, ndërsa kërkon të kryejë punë sonte para tifoëzve të vet, kundër ekipit polak, Rakow Qestoqova.
Ndeshja tjetër është ajo mes PSV Eindhoven dhe Rangers. Ndeshja e parë në Skoci përfundoi baraz 2-2, ndërsa luhet për gjithçka sot në “Philips Stadion”.
Të trija takimet luhen me fillim nga ora 21:00, ndërsa nesër hudhet shorti për grupet e Ligës së Kampionëve këtë edicion.
