Pavarësisht se iu premtua, familja Nesushta nuk u bë pjesë e 22 familjeve që u bënë me strehë
Iu premtua një shtëpi e re pesë herë radhazi.
Besim Nesushta jeton së bashku me gruan dhe dy djemtë e tij në këtë shtëpi në Surdull të Podujevës tash e 20 vite.
E shtëpia e tyre është pothuajse e demoluar. Si pasojë e kësaj Nesushta bëri kërkesë në komunë për ndërtimin e një shtëpie të re, mirëpo siç thotë ai pati vetëm premtime boshe nga këta të fundit.
Megjithatë, dëshpërimi më i madh sipas Nesushtës, ishte kur e kuptoi që nuk bën pjesë në mesin e 22 familjeve që u bënë me strehë.
E nga Komuna e Podujevës, e pranojnë se ishin në dijeni për rastin, por që sipas tyre, komisioni e vlerësoi se ka familje të tjera më në nevojë.
“E dimë gjendjen e tij të rëndë ekonomike sociale, ai ka qenë njëri nga aplikantët i cili ka aplikuar për shtëpitë e reja të cilat janë ndërtuar në bashkëpunim me Elvis Naçin, ne po angazhohemi që të i bëjmë zgjidhje përmanente mirëpo komisioni ka vlerësuar që ka familje të tjera në komunën e Podujevës të cilët e kanë gjendjen më të rënduar po bëjmë përpjekje që të i ndërtojmë shtëpinë apo edhe të i renovojmë”, tha Fatri Zhitia, zëdhënës në Komunën e Podujevës
Por, krahas gjendjes së rëndë ekonomike, 49-vjeçari Bejtush Nesushta ka edhe një sërë problemesh shëndetësore, të cilat thotë se ia pamundësojnë të kryejë punë fizike. Kështu, të katër anëtarët e familjes, përfshirë dhe dy fëmijët e mitur, muajin e kalojnë me 100 euro nga ndihma sociale.
Ndër vështirësitë e tjera që hasin është dhe transporti, meqë shtëpia është larg nga qyteti.
Mirëpo jo vetëm, një hall tjetër pritet të i shtohet që nga shtatori.
Megjithatë kërkesa e vetme e familjes katër-antarëshe nga Podujeva për dashamirët është ndërtimi i një shtëpie ose renovimi i shtëpisë aktuale, pasi gjatë dimrit e kanë të vështirë të qëndrojnë nga i ftohti.
