Kryeministri Albin Kurti ka shkruar se muajin tjetër bëhen 9 vjet qëkur ish-kryetari i Komisionit Evropian, Jean Claude-Juncker mbylli Drejtoratin Gjeneral të BE-së për zgjerim, duke shkatërruar shpresat e miliona njerëzve në Ballkanin Perëndimor.
Sipas Kurtit, trashëgimia e Junckerit mori fund pas deklaratës së presidentit të Këshillit, Charles Michel, i cili vendosi vitin 2030 si datë të re për zgjerim.
“Muajin tjetër shënon 9 vjet që kur Jean-Claude Juncker mbylli Drejtoratin Gjeneral të BE-së për Zgjerim, duke shkatërruar shpresat e miliona njerëzve në 6 vendet e Ballkanit Perëndimor që aspironin të anëtarësoheshin në BE. Dje, trashëgimia e Juncker-it mori fund pasi presidenti Michel iu përgjigj thirrjes sonë për zgjerim dhe vendosi numrin 2030”, ka shkruar Kurti.
Next month marks 9 years since Jean-Claude Juncker closed 🇪🇺 DG Enlargement, dashing the hopes of millions in WB6 who aspired to join the EU. Yesterday, the Juncker legacy came to an end as @eucopresident Michel answered our call for enlargement and put forward the number 2030.
— Albin Kurti (@albinkurti) August 29, 2023
