Një rritje dramatike e të vdekurve është shënuar kohëve të fundit në Ukrainë. Kështu bëhet e ditur sipas vlerësimeve të reja nga zyrtarë anonim amerikanë.
Jo shumë larg vijës së frontit në Donetsk, BBC sjell rrëfimin e 26-vjeçares Margo, e cila ka për detyrë të regjistrojë të dhënat e të vdekurve.
Margo thotë se u flet të vdekurve.
“Mund të tingëllojë e çuditshme… por unë jam ajo që dua të kërkoj falje për vdekjen e tyre. Dua t’i falënderoj disi. Është sikur mund të dëgjojnë, por nuk mund të përgjigjen”, thotë ajo.
Sipas saj, më e vështira është kur vdesin djem të rinj.
“Më e vështira është kur sheh një djalë të ri të vdekur që nuk i ka mbushur as 20, 22 vjeç…ata u vranë. Ata u vranë për tokën e tyre. Kjo është gjëja më e dhimbshme”, është shprehur 26-vjeçarja.
Që nga shkurti i vitit 2022, Ukraina po përballet me agresion rus, ku mijëra qytetarë janë vrarë dhe shumë qytete janë shkatërruar si pasojë e sulmeve ruse. /Teve1.info/
