Kryeministri Albin Kurti është pritur në ish-rezidencën presidenciale të Sllovenisë, Vila Bled nga kryeministri slloven, Robert Golob.
Kurti gjatë takimit me Golobin tha se Sllovenia është ndër pesë investitorët kryesorë në ekonominë e Kosovës.
“Sllovenia ka strehuar disidentët tanë të parë, na ka ndihmuar në betejën tonë çlirimtare dhe tani është ndër pesë investitorët kryesorë në ekonominë tonë theksoi Kryeministri dhe e falënderoi Kryeministrin Golob për ndihmën dhe mbështetjen e Sllovenisë për Kosovën ndër vite”, ka thënë Kurti, njofton Zyra e Kryeministrit.
Tutje kryeministri ka folur për mundësitë që sipas tij i ofron Kosova për investitorët e huaj.
“Pozita e përshtatshme gjeografike, politikat e favorshme fiskale, stabiliteti institucional dhe potenciali i fuqisë punëtore e bëjnë Kosovën vend atraktiv për investimet sllovene, tha kryeministri gjersa veçoi sektorët në rritje sikurse ai ICT-TIK, përpunimit të drurit dhe metalit dhe prodhimit të ushqimit”, ka thënë Kurti.
Dialogu dhe bashkëpunimi rajonal po ashtu ishin tema diskutimi.
