Kryeministri Albin Kurti ka zhvilluar një takim me të dërguarin e posaçëm të Mbretërisë së Bashkuar për Ballkanin Perëndimor, Lord Stuart Peach.
Bashkëpunimi rajonal, çështjet aktuale dhe situata në katër komunat në veri të vendit ishin temë diskutimi.
Kryeministri i tha Lordit Peach se kanë kaluar dy muaj prej incidentit të fundit në katër komunat veriore dhe kemi një situatë të deeskaluar që sipas kryeministrit, është krijuar falë bashkëpunimit të qytetarëve nga komuniteti serb dhe veprimeve nga institucionet e Kosovës.
“E rëndësishme është tani të jemi vigjlent ndaj ri-eskalimit që mund të vijë nga deklaratat dhe veprimet e liderëve shtetëror serb”, citohet të ketë thënë Kurti në takim, ka njoftuar Zyra e Kryeministrit.
