Kryeministri i vendit, Albin Kurti, ka pritur në takim lamtumirës Drejtorin e Fondacionit, Friedrich-Ebert-Stiftung për Kosovën dhe Maqedoninë e Veriut, René Schlee, i cili tashmë do të drejtojë zyrën rajonale të këtij Fondacioni për Evropën Juglindore.
Gjatë bashkëbisedimit në këtë takim lamtumirës Kurti ka falënderuar Schlee për punën, angazhimin, mbështetjen dhe bashkëpunimin, përcjell teve1.info.
Derisa kanë bërë të ditur se në qendër të bashkëpunimit ishin çështjet dhe politikat që kanë të bëjnë me të drejtat e grave dhe të rinjve, barazinë sociale, bashkëjetesën ndëretnike, mjedisin, përfshirë edhe puna e përbashkët në kuadër të Fondit Sovran.
Drejtori i Fondacionit, Schlee, u shpreh i kënaqur për bashkëpunimin që ka pasur, duke theksuar se edhe në pozitën e tij të re do ta ndjekë temën e përbashkët për forcimin e demokracisë sociale dhe forcimin e shkëmbimit ndërmjet socialdemokratëve. /teve1.info/.