Qytetarët shprehen të mllefosur më gjendjen e kësaj rruge, derisa komuna nuk ka treguar se kur do të përfundojë ky aks rrugor.
Mujë Musliu, i cili banon afër kësaj magjistrale thotë së mos përfundimi i kësaj rrugë po ia rrezikon jetën banorëve.
Ai thotë se për shkak të gjendjes së rrugës ndodhin aksidente edhe me fatalitet.
E si pasojë e mospërfundimit të punimeve po krijohet rrëmujë në trafik, duke vështirësuar qarkullimin qytetarëve që udhëtojnë çdo ditë në këtë magjistrale.
E kryetari i Podujevës, Shpejtim Bolliqi në një përgjigje për Tëvë 1 ka thënë se kjo çështje është projekti i Ministrisë dhe jo i tyre.
“ Pyete ministrin sepse kjo është projekt i tyre e jo i komunës”, ka thënë ai.
Tëvë 1 ka dërguar pyetje në Ministrin e Infrastrukturës, por që nga e hëna nuk ka marrë përgjigje në lidhje me këtë temë.
Derisa ministri i këtij dikaster, Liburn Aliu kishte premtuar që kjo magjistrale do të përfundonte në vitin e kaluar, por një gjë e tillë nuk ndodhi.
Kronika e realizuar nga Doresa Geci
