Erdhi nga Italia për të bërë pushimet në Kosovë.
Dy ditë para se të rikthehej sërish atje, jeta iu ndërpre në moshën 35-vjeçare.
Leonora Shalës gjendja iu përkeqësua pas marrjes së shërbimit stomatologjik në klinikën “Doktorat” në Malishevë.
Meqë klinika në fjalë dhe objekti i emergjencës gjenden shumë afër njëra – tjetrës, intervenimi i mjëkevë ishte shumë i shpejtë.
Drejtori i Emergjencës në Malishevë, Afrim Krasniqi tregoi gjithë momentin.
Derisa, gjendja e saj shëndetësore ishte shumë e mirë para intervenimit në dhëmb po e konfirmojnë edhe familjarët.
E për këtë rast dy persona u arrestuan.
Mjekut dhe pronares së ordinancës iu është caktuar edhe paraburgimi prej 48 orësh.
Ndërsa, klinikës së tyre të mërkurën iu vë edhe dryri.
Kjo pasi që ministria e Shëndetësisë konfirmoi se klinika ku është trajtuar 35 vjeçarja ka ushtruar veprimtari ilegale. Ata dyshohet se kishin licencë për kryerje të intervenimeve gjinokologjike, por jo stomatologjike dhe kirurgjike.
E për veprimtarinë e tyre ilegale asnjëherë nuk ishin inspektuar nga inspektoriati shëndetësor.
Për një gjë të tillë, vetë ministri i Shëndetësisë, Arben Vitia, në reagimin e tij u shpreh se ndjehet i tronditur me gjithçka që ka ndodhur.
“Ky rast tragjik shënon një moment vendimtar për ndalimin e pandëshkueshmërisë dhe papërgjegjshmërisë në praktikat e licencimit. Kam kërkuar me gjithë fuqinë që më jep ligji që të kontrollohet çdo hap e veprim i komisionit vlerësues që i paraprinë licencimit. Dhe çdo procedurë. Ndaj përgjegjësve, do të ketë masa”, ka thënë Vitia.
Lamtumira e fundit Leonora Shalës iu dha të mërkurën në varrezat e fshatit Ngucat.
Ajo la pas vetës katër fëmijë. Të gjithë të moshës së mitur.
