Qeveria e Kosovës në mbledhjen e sotme ka miratuar pikën e shtatë të rendit të ditës, Propozim vendimi për t’i propozuar Kuvendit kandidat për pozitat dy anëtarë të Komisionit të Autoritetit të Konkurrencës (ZKM).
Kryeministri Albin Kurti në fjalën e tij tha se komisioni AD-HOC i ka propozuar Qeverisë së Kosovës emrat e dy kandidatëve Florent Mehmeti dhe Salihe Gashi- Loku, për këtë pozitë.
“Në mbështetje të Ligjit për mbrojtjen e konkurrencës Komisioni AD-HOC përzgjedhës për rekomandimin e kandidatëve për pozitat e dy anëtarëve të komisionit të konkurencës i emëruar me vendim të qeverisë numër 05 /136 datës, 2 mars me datën 7 dhe 8 qershor ka mbajtur intervistën me gojë me kandidatët e përzgjedhur në listën e ngushtë dhe i ka rekomanduar Qeverisë së Kosovës listën përfundimtare prej 6 kandidatëve”
“Të nderuar anëtarë të Qeverisë duke pasur parasyshë rekomandimet nga komisioni AD-HOC përzgjedhës për pozitën e dy anëtarëve të autoritetit të komisionit të konkurrencës, Kuvendit të Kosovës i propozohen këta kandidatë, Florent Mehmeti dhe Salihe Gashi- Loku”, tha Kurti./teve1.info./
