Anëtari i kryesisë së PDK-së, Muzafer Shala thotë se është problem i Qeverisë nëse një shtëpi botuese ua shet një libër shumë më shtrenjtë sesa vlera reale.
Shala thotë se Qeveria është duhur qysh para një viti të dhe të fliste me kompanitë botuese, në mënyrë që të mos kishte krizë të furnizimit me libra shkollore.
“Ai është problem i tyre. Nuk është problem i qytetarit. Ajo është Qeveri dhe është dashur t’i trajtojë këto gjëra, me i ulë kompanitë para 1 viti, me diskutu edhe me këqyr se cilat janë mundësitë. Pastaj tregu e përcakton çmimin se nuk e dimë cila është lënda e parë. Kjo qeveri nuk po gjen konsensus me u ul me askënd. Nuk po do me fol me sindikatë, Këshillin e Prindërve, DKA-në, kompanitë që i ka partner. Çka ka menduar Qeveria? A u dashtë me ble libra prej kompanive në Serbi, Holandë? Po ministria është dashtë me e ditë që nuk ke burime tjera të librave dhe me u ul me fol me këta”, ka thënë Shala në Ditari në Tëvë 1.
Shala shton se Projektligji për Tekste Shkollore është i mirë por duhet të dihet se pse nuk ka kaluar në Kuvend.
“Mua më ka pëlqyer Projektligji që e ka pasur për Tekste Shkollore. Mirëpo, pse u bllokua? Duhet me tregu ministria pse nuk e ka kaluar, a s’ka konsensus brenda partinë e saj. Me sa e di unë për 1 votë i ka dështuar projektligji në parlament kur e dimë që udhëheq me shumicën. Kjo tregon që është e paaftë, është Qeveri e prirur me dështu sepse nuk iu rri gjërave gati”, ka shtuar ai.
