Lëvizja Vetëvendosje, ka thënë se është thyer rekordi i të hyrave në Doganë, njëherit sipas partisë në pushtet, ka filluar të kthehet rendi dhe ligji në veri të vendit.
Madje sipas tyre, krimi e kontrabanda kanë qenë të lidhura ngushtë në tërë Kosovën, përcjell teve1.info.
“Mungesa e ligjit në veri nuk i ka shërbyer vetëm strukturave paralele kriminale por edhe atyre që kanë përfituar në Prishtinë nga mungesa e ligjit. Gjërat po ndryshojnë për të mirë, rendi dhe ligji në veri po kthehen, doganat në secilën pikë nuk e mbyllin më syrin për të fortët dhe shteti po përfiton. Nga rendi dhe ligji përfitojmë të gjithë”, thuhet në postimin e VV-së në Facebook.
Derisa ky reagim i Vetëvendosjes erdhi pasi opozitarët e panë si mashtrim optik grafikonin e VV-së për rritjen e të hyrave të Doganës./teve1.info/.
