Një person ka mbetur i vdekur sot në Mitrovicë si pasojë e një aksidenti, ku një automjeti me targa vendore derisa kishte qenë në lëvizje kishte goditur dy vetura të tjera të cilat kishin qenë të parkuara.
Sipas njoftimit, si pasojë e lëndimeve të marra drejtuesi i veturës i moshës 60 – vjeçare, është dërguar në emergjencën e spitalit Rajonal në Mitrovicë, por që i njëjti si pasojë e lëndimeve ka ndërruar jetë.
“Sot me datën 22 gusht 2023, rreth orës 08:35, në rrugën ,,Agim Ramadani-Katana” në Mitrovicë, është shkaktuar një aksident trafiku, ku një automjet me targa vendore, deri sa kishte qenë në lëvizje për shkaqe të panjohura kishte goditur dy vetura të cilat kishin qenë të parkuara në këtë rrugë. Meqenëse drejtuesi i automjetit në lëvizje pëson lëndime trupore, me urgjencë dërgohet në emergjencën e spitalit Rajonal në Mitrovicë dhe si pasojë e lëndimeve pas pak kohe drejtuesi i automjetit të aksidentuar, i moshës 60 vjeçar, ndërron jetë”, thuhet në njoftim.
Kurse me urdhër të prokurorit trupi i pa jetë i viktimës është dërguar në Institutin e Mjekësisë Ligjore./teve1.info./
