Eurodeputetja Viola von Cramon ka thënë se ka mundësi që takimi në mes të presidentit ukrainas, Volodymyr Zelensky me presidentin serb Aleksandar Vuçiq mund të jetë zhvilluar për një marrëveshje mbi armët në këmbim që Ukraina të vazhdojë të mos e njohë pavarësinë e Kosovës.
Ajo tha se shpreson se Zelensky kupton se çfarë rreziku politik mund të sjellë një marrëveshje e tillë, duke shtuar se Pavarësia e Kosovës dhe stabiliteti janë gjithashtu në interes të Ukrainës, shkruan teve1.info
“Saktë: ka shumë gjasa që Aleksandar Vuçiq ra dakord të takohet me Volodymyr Zelenskyn për të ushtruar kryesisht presion mbi Ukrainën: armët për mosnjohjen e Kosovës. Unë shpresoj se Zelensky kupton se çfarë rreziku politik mund të sjellë një marrëveshje e tillë. Pavarësia e Kosovës dhe stabiliteti janë gjithashtu në interes të Ukrainës”, shkroi von Cramon në X, mbi statusin e shpërndarë të deputetit ukrainas, Oleksiy Goncharenko, i cili tha se Ukraina s’duhet të kompromentojë parimet e saj dhe se duhet ta njohë pavarësinë e Kosovës.
Exactly: very likely that @avucic agreed 2meet with @ZelenskyyUa to mainly put pressure on 🇺🇦: weapons for non-recognition of Kosovo.
I do hope that @ZelenskyyUa understands which political risk might such a deal entail. 🇽🇰 independence & stability are also in 🇺🇦 interest https://t.co/Gxa7AqazGR— Viola von Cramon 🇺🇦🇪🇺 (@ViolavonCramon) August 22, 2023
Ndryshe,Zelensky ka shkruar sot për takimin që ka pasur me presidentin serb, Aleksander Vuçiq, ku tha se ishte një takim i hapur dhe frytdhënës.
Ai ka thënë se kanë pasur një bisedë të mirë për respektimin e Kartës së Kombeve të Bashkuara dhe paprekshmërisë së kufijve, shkruan teve1.info
“Një takim i hapur, i sinqertë dhe frytdhënës me Presidentin e Serbisë@AVucic. Bisedë e mirë për respektimin e Kartës së OKB-së dhe paprekshmërinë e kufijve. Për të ardhmen e përbashkët të kombeve tona në shtëpinë e përbashkët evropiane. Për zhvillimin e marrëdhënieve tona, kjo është në interesin tonë të përbashkët”, ka shkruar presidenti ukrainas.
Ndërsa, Vuçiq ka bërë të ditur se temë diskutimi ka qenë edhe situata me Kosovën.
“Ia shpjegova situatën rreth Kosovës. Nuk mendoj se do të ketë ndonjë ndryshim në pozicionin e Ukrainës në lidhje me integritetin tonë territorial. Ne e mbështetëm Ukrainën në rrugën e saj evropiane. Ajo që unë mendoj është më shumë se të menduarit, jam pothuajse i bindur se nuk do të ketë asnjë ndryshim”, ka thënë Vuçiqi.