Një person është arrestuar nga Policia e Kosovës, pasi që i njëjti dyshohet se ka ushtruar dhunë në familje dhe ka sulmuar një polic.
I arrestuari ka kërcënuar disa anëtarë të familjes mbrëmë në Ferizaj, ndërsa gjatë intervistimit e ka sulmuar fizikisht njërin nga zyrtarët policor.
Polici si pasojë e sulmit fizik është dërguar për tretman mjekësor.
Ndërsa, me vendim të prokurorit i dyshuari është dërguar në mbajtje dhe rasti është iniciuar “Dhunë në familje” dhe “Sulm ndaj personit zyrtar”.
Njoftimi i Policisë së Kosovës:
Ferizaj 20.08.2023-20:40. Është arrestuar i dyshuari mashkull kosovar pasi që i njëjti ka kanosur disa persona dhe po ashtu gjatë intervenimit e ka sulmuar fizikisht njërin nga zyrtarët policor i cili ka pranuar tretman mjekësor. I dyshuari me vendim të prokurorit është dërguar në mbajtje./teve1.info/
