Ministri i Punëve të Jashtme të Serbisë, Ivica Daçiq tha sot se java e ardhshme do të jetë jashtëzakonisht e vështirë për këtë vend, pasi do të ketë presion shtesë ndaj saj për të vendosur sanksione ndaj Rusisë.
Duke folur për TV Pink, ai tha se respektimi i politikës së jashtme të BE-së nuk është problemi i vetëm në marrëdhëniet e Serbisë me këtë organizatë, “por se ka diçka tjetër”.
“Shqipëria mburret se është 100% në përputhje me BE-në dhe pyet veten pse nuk i hapin negociatat. Disa vende fqinje marrin vetëm kërkesa dhe i zbatojnë ato menjëherë. Kjo tregon se problemi ynë në marrëdhëniet me ta nuk është vetëm respektimi i politikës së jashtme të BE-së”, tha Daçiq, përcjell teve1.info.
Presidenti serb Aleksandar Vuçiq foli për presione shtesë ndaj Serbisë të premten në RTS, ndërsa dje këtë e tha ministri i Mbrojtjes, Millosh Vuçeviq.
Mediat raportojnë se Vuçiq do të jetë në Athinë nesër, më 21 dhe të martën, më 22 gusht, në një takim joformal të liderëve të vendeve të rajonit, ku do të marrin pjesë edhe përfaqësues të lartë të Bashkimit Evropian.
