Rasti ka ndodhur në fshatin Gushtericë e Poshtme të Graqanicës, ku të dyshuarit janë shoqëruar në stacion policor, shkruan teve1.info.
Policia ka njoftuar se në lidhje me rastin është konsultuar prokurori i shtetit me vendim të së cilit katër nga të dyshuarit arrestohen dhe dërgohen në mbajtje ndërsa gjashtë të dyshuarit tjerë pas intervistimit lirohen në procedurë të rregullt.
Po ashtu policia bën të ditur se rasti është duke vazhduar të hetohet.
“Fsh. Gushtericë e Poshtme, Graqanicë, 26.03.2022-02:00. Nga njësitë policore në një shtëpi të pabanuar janë hasur 10 të dyshuar meshkuj kosovar, duke luajtur lojëra të paligjshme të fatit. Të dyshuarit janë shoqëruar në stacion policor. Në lidhje me rastin është konsultuar prokurori i shtetit me vendim të së cilit katër nga të dyshuarit arrestohen dhe dërgohen në mbajtje ndërsa gjashtë të dyshuarit tjerë pas intervistimit lirohen në procedurë të rregullt. Rasti vazhdon të hetohet”, thuhet në raportin 24 orësh të policisë.
