Deputeti i LDK-së, Abdullah Hoti pas arrestimeve të fundit në MINT, ka thënë se ky pushtet e ka humbur rrugën dhe duhet të largohet sa më parë.
Ai tha se me rezervat shtetërore është bërë pazar nga persona privat (sipas deklarimit në media), shkruan teve1.info
“Me rezervat shtetërore është bërë pazar nga persona privat (sipas deklarimit në media). Ndërkaq, Ministrja sot e ka hallin se zyrtarët policorë, të cilët sot i kanë konfiskuar materialet nga Ministria, nuk kanë certifikatë të sigurisë për qasje në dokumentacion për rezervat shtetërore. Ky pushtet e ka humbur rrugën dhe duhet larguar sa më pare”, ka shkruar ai.
Ndryshe, Policia e Kosovës ka realizuar disa bastisje mëngjesin e sotëm në lokacione të ndryshme në Prishtinë, dhe ka arrestuar tre persona lidhur me keqpërdorime në rezervat e shtetit.
Në njoftimin e Prokurorisë Speciale thuhet se Ridvan Muharremi dhe dy zyrtarët e tjerë të MINT-it dyshohen për veprat ‘Keqpërdorim i detyrës zyrtare’’, si dhe ‘’Dhënie të ndihmës në kryerjen e veprës penale të Keqpërdorimit të detyrës zyrtare.
Ministrja e Industrisë, Rozeta Hajdari ka thënë se nuk sheh asnjë arsye për të dhënën dorëheqje.
Ajo në konferencë për media tha se sheh asnjë arsye e as dyshim te zyrtarët që janë të ndalur sot, përcjell teve1.info
“Sa i përket dorëheqjes sime, unë s’e shoh asnjë arsye për të dhënë dorëheqje dhe të them me përgjegjësi e siguri të plotë, dhe nuk shoh asnjë arsye e as thjesht dyshim te zyrtarët që janë të ndalur sot”, ka thënë ajo./teve1.info
Bastisje në MINT, arrestohen dy zyrtarë për aferën e rezervave shtetërore
